07 Vestur: Magnus hevur spælt nærum hvønn dyst á besta liðinum hjá B36 seinastu árini. Síðan 2017, sum var fyrsta árið á besta liðinum, har hann fekk nakaðð av spælitíð, hevur hann verið við so gott sum hvønn dyst. Í alt eru tað vorðnir 104 dystir í Betri Deildi, 16 í steypakappingini og 17 í evropeiskum kappingum. Harafturat hevur Magnus hópin av ungdómslandsdystum og hevur eisini verið í A-landsliðshópinum til Nations League í 2020.
Magnus kemur heilt sikkurt at vera góð styrki at fáa á miðjuni, hjá Michael Schjønberg. Og skiftið úr B36 er kanska eisini eitt prógv um at menningin í 07 Vestur seinastu árini, alsamt ger felagið meira áhugavert hjá góðum føroyskum leikarum.
Nýggi miðvallarin hevur júst fingið debut, nú hann kom inn í hálvleikinum í seinasta dystinum í VFF KUP fyri løtu síðan.
Um tú veitst okkurt, sum VP ikki veit - skriva so til vp@vp.fo
