Í hesum koronadøgum fer ein on-line talvkapping fram millum 8 av heimsins sterkastu telvarum.
Telvararnir sita “heima” og telva og talvfjeppar kring allan heim fylgja spentir við.
Talan er um skundtelving og í dag 30/4 telvaði norski heimsmeistarin Magnus Carlsen fýra kviktalv móti Ding Liren úr Kina.
Ding vann trý talv og tapti eitt.
Ding Liren hevur triðhægsta styrkital í heiminum og er tvey ár yngri enn norski heimsmeistarin.
Leygardagin møtast Ding og Carlsen aftur í hálvfinaluni.
Tá skal heimsmeistarin reisa seg eftir tapini í gjár.
Áhugin fyri hesum dysti er stórur.
Í hinari hálvfinaluni møtast Caruana og Nakamura, sum báðir eru úr USA.
Finalan verður telvað 3. mai.
Um tú veitst okkurt, sum VP ikki veit - skriva so til vp@vp.fo
