Lutakastið til fjórðingsfinalurnar verður á Rás 1 í Televarpinum hóskvøldið - Mynd: www.FSF.fo
Lutakastið til fjórðingsfinalurnar verður á Rás 1 í Televarpinum hóskvøldið - Mynd: www.FSF.fo
Lutakastið til fjórðingsfinalurnar verður á Rás 1 í Televarpinum hóskvøldið - Mynd: www.FSF.fo
FSF: Sjey dystir eru á skránni í fyrsta umfari í kappingini um Løgmanssteypið. Fýra dystir verða spældir í dag, meðan hinir tríggir verða spældir í morgin, sum er flaggdagin 25. apríl.
Tríggir av teimum fýra dystunum í dag byrja klokkan 17:30. Á Eiðinum í Vági bresta FC Suðuroy og TB saman, Inni í Dal á Sandi fær B71 vitjan av AB, og á Hoyvíksvøllinum tekur FC Hoyvík ímóti Víkingi. Fjórði dysturin verður á Djúpumýru í Klaksvík klokkan 18:30, har KÍ og HB hittast.
Í morgin, flaggdagin 25. apríl, verður lagt frá landi klokkan 15:00, tá B68 og ÍF møtast á Svangaskarði. Klokkan 17:30 spæla EB/Streymur og 07 Vestur við Margáir, og klokkan 19:00 fær B36 vitjan av Skála.
Aftaná dystin í Gundadali verður farið undir lutakastið til fjórðingsfinalurnar, sum eru á skránni hósdagin 9. mai. Lutakastið verður víst beinleiðis á Rás 1 í Televarpinum.
Um tú veitst okkurt, sum VP ikki veit - skriva so til vp@vp.fo
