Staðseting av skipsvrakinum m/s Helena
Staðseting av skipsvrakinum m/s Helena
Umhvørvisstovan: Við heimild í § 21, stk. 1 í løgtingslóg um verju av havumhvørvinum hevur Umhvørvisstovan 17. juni 2024 givið áhugabólkinum Reynsmúla loyvi til at søkkja M/S Helenu á Borðoyarvík út fyri Norðoyri. Loyvið tekur støði í, at alt dálkandi verður tikið burturúr skipinum, áðrenn tað verður søkt, og at skipsvrakið verður nýtt til kavingarendamál. Skipið verður lagt á 25 metra dýpi á havbotnin vestanfyri vrakið av útróðrarbátinum Reynsmúla (sí mynd niðanfyri).
Loyvið er latið grundað á upplýsingar frá áhugabólkinum Reynsmúla um verkætlanina og ætlaða kavingarvirksemið.
Avgerðin kann kærast til landsstýriskvinnuna í umhvørvismálum. Møgulig kæra skal, í seinasta lagi 17. juli 2024, sendast til: Umhvørvisstovan, Traðagøta 38, 165 Argir, ella til us(at)us.fo
Kærurætt hava tey, sum avgerðin hevur ein serstakan, beinleiðis og persónligan týdning fyri.
Les meira um at kæra her.
Leinki til góðkenningina her.
Leinki til kunngerð er her.
Staðseting av skipsvrakinum m/s Helena
Um tú veitst okkurt, sum VP ikki veit - skriva so til vp@vp.fo
