Upptøkurnar av telefonsamrøðum hjá russisku hermonnunum geva innlit í hvat russisku hermenninir halda um kríggið, og innihaldið í samrøðunum vísir eisini hvussu kríggið er broytt, skrivar tíðindastovan AP.
Frá profesjonellum hermonnum, sum vóru við frá byrjan tá ið Russland gjørdi innrás í Ukraina, til menn úr øllum samfelagsløgum, noyddir at kríggjast undir krevjandi umstøðum.
– Tað er fanin meg eingin hetjudeyði her, sigur ein russiskur hermaður í Kharkiv-umráðnum við beiggja sín.
– Tú doyrt sum ein helvitis maðkur.
Í samrøðunum brúka hermenninir kotur tá ið teir tosa um følsamar hernaðarligar upplýsingar. 200 merkir deyðir. 300 merkir særdir. Men oftari nú verður nú tosað um 500 – hermenn sum nokta at kríggjast.
Hermaðurin sum tosar við beiggja sín sigur kríggið er fólkamorð, og ein vígvøllur har allur heimurin testar síni vápn og vísir sína styrki.
– Um hetta ikki endar nú, so fara vit sjálvir at hjálpa ukrainum til Kreml, sigur russiski hermaðurin.
Um tú veitst okkurt, sum VP ikki veit - skriva so til vp@vp.fo
