Liverpool-Watford 2-0 (1-0)
1-0: Mohamed Salah, 38
2-0: Mohamed Salah, 90

Watford stóðu seg sera væl á Anfield við nýggja venjararanum Nigel Pearson og kundu saktans havt lagt seg á odda bæði eitt og tvey null, meðan Liverpool ikki leiktu so væl, sum liðið plagar, serliga ikki í fyrsta hálvleiki, men tá alt kom til alt, endaði tað, sum tað plagar hjá Liverpool fyri tíðina.

Hetta kunnu teir reyðu úr Beatles býnum einamest takka Mohamed Salah fyri, sum tók ábyrgd, tá tað leikaði sum harðast, og gandaði fram tvey mál burtur úr nærum ongum. Harav var serliga tað fyrra málið einastandandi vakurt.

Liverpool fingu eisini eitt triðja mál tíðliga í seinna hálvleiki, men VAR avgjørdi heldur ivasamt, at málið hjá Mané - ein frálíkur stútari - ikki skuldi telja við.

Alisson í Liverpool málinum stóð seg eisini væl og tók alt, sum Watford komu við, og tá Virgil van Dijk harumframt slapp við hvøkkinum eftir eina minni góða afturlegging til Liverpool málverjan, sum tíbetur fyri teir reyðu ikki fór í egið mál, men heldur út til horna, ja, so stendur eftir, at Liverpool nú, eftir at 17 umfør eru leikt, hava ognað sær 49 út av 51 møguligum stigum í Premier League.