Tjóðpallur Føroya og Tórshavnar Kommuna bjóða øllum børnum og barnsligum sálum til ókeypis útisjónleik á 11 ymiskum støðum í Havn um ólavsøkuna.

Leikurin er tann væl kenda søgan um teir báðar Lítla Klávus og Stóra Klávus, ið saman við húsdjórum, konu, ommu, tónleikara, dekni - ja øllum møguligum og ómøguligum – koma á vitjan. Har hendir nógv og kanska mugu áskoðararnir eisini hjálpa teimum.

Leikurin verður spældur uttandura á 11 støðum kring allan býin.

Leikarar eru teir tríggir Hjálmar Dam, Nicolaj Falck og Jákup D. Wardum. Leikurin varir umleið hálvan tíma og tiltakið er ókeypis.

Ólavsøkuaftan 28. juli
Kl. 11.00 Argir: Vøllurin við Gamla skúla
Kl. 12.30 Argir: FIFA-vøllurin við skúlan á Argjahamri
Kl. 14.00 Undir Gráasteini: Vøllurin við gamla vatnverkið
Kl. 16.30 Norðasta Horn: FIFA-vøllurin
Kl. 18.00 Vøllurin við Heygskrók
Kl. 19.30 Vøllurin í Svanga

Ólavsøkudag 29. juli
Kl. 12.30 Inni á Gøtu: FIFA-vøllurin á Niðaru gøtu
Kl. 14.00 Millum Gilja: Vøllurin
Kl. 16.30 Ternuryggur: Vøllurin við Turidargøtu
Kl. 18.00 Løgmannabreyt: Við skúlan
Kl. 19.30 Fótbóltsvøllurin við Eysturskúlan