LGBT Føroyar: Vit eru so ómetaliga fegin um góðu undirtøkuna og vilja av hjarta takka tykkum, sum koyrdu saman við okkum og øll tykkum sum stóðu framvið vegnum, har vit koyrdu í Eysturoynni og í Havnini.
Takk fyri eysturoyingar, at tit tóku so væl ímóti okkum, nú vit fyri fyrstu ferð fóru útum Havnina við pridini.
Hans og Lilja Blaasvær vinna vinningin fyri flottasta akfar. Vinningurin var 1 yvirnátting á Hotel Hilton fyri 2 við morgunmati, plakat og posa frá LGBT Føroyum og merchandise frá FIMFF.
Bilurin við nummarplátuni KF 016 vann tvær Pardon My French burgararmenuir frá Hallartúni. Tit sum koyrdu við hesum bilinum eru vælkomin at seta tykkum í samband við okkum á facebook ella á teldupost lgbt(at)lgbt.fo
LGBT Føroyar takkar fyri enn eina góða pride og ynskir øllum eina framúr góða ólavsøku.
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
