Nú í summar bjóðar Tórshavnar kommuna lesandi at sita á Býarbókasavninum. Lestrarhølini verða á ovastu hæddini, og í summar verður hæddin latin lesandi burturav. Hetta er aðru ferð, at tænastan verður á Býarbókasavninum. Hølini liggja væl fyri við sjálva gongugøtuna.

Í lestrarhølinum kunnu lesandi sita í frið og náðum og arbeiða við uppgávum og lestri annars.

Hetta er eitt tilboð til teirra, ið eitt nú eru heima í summarfrí og hava tørv á einum friðarligum staði at lesa og arbeiða.

Støðugt fleiri lesa eisini á Setrinum í Føroyum, og tí er hetta eisini eitt hent stað hjá hesum at savna seg um lesnaðin í friðarligum umhvørvi í summar. Øll lesandi á hægri lestri eru vælkomin at nýta hølini.

Lestrarhúsið er opið frá 27. juni til 21. august 2016, og tað verður opið, tá ið Býarbókasavnið er opið.

Upplatingartíðir:
 mánadag - hósdag: 9 -21
 fríggjadag: 9-18
 leygardag: 10-16
 sunnudag: 14-17

Býarbókasavnið og lestrarhúsið er stongt á ólavsøku.

Snarskivan svarar spurningum viðvíkjandi lestrarhúsinum, tel 30 20 10.

Ókeypis net er í lestrarhølinum.