Tann kanadiski sangarin Leonard Cohen er deyður, 82 ára gamal.
Tað upplýsur hansara plátufelag.
– Tað er í stórari sorg vit boða frá at tann legendariski sangarin Leonard Cohen er deyður. Vit hava mist eina av mest tignarligu og visjoneru persónligheitinum innan tónleikaheimin, skrivar plátufelagið sum eisini upplýsur at ein minnisstund verður hildin í Los Angeles.
Familijan hevur biðið um frið at syrgja missin.
Hansara best kendu sangir eru «Hallelujah», «Suzanne», «First We Take Manhattan» og «Bird on Wire».
Tað eru fáar vikur síðani Cohen gav seinastu fløguna út. «You Want It Darker», var hansara 14. studiopláta og tann fyrsta útgávan í átta ár.
Um tú veitst okkurt, sum VP ikki veit - skriva so til vp@vp.fo
