- Tað er ikki Russland sum skal taka stigið, um friður aftur skal valda í Ukraina, segði russiski uttanríkisráðharrin seinastu 20 árini, Sergej Lavrov, á fundi við sendiharrar úr 70 londum, sum russiska uttanríkisráðið hósdagin hevði boðið á vitjan í Kreml.
Samstundis segði hann um tað sum Ukraina og flestu lond í heiminum siga vera vegin til frið í Ukraina, nevniliga at Russland tekur seg aftur, at tað "sakar onki at droyma".
Sergej Lavrov vísti á realitetin á vígvøllinum sum er, at Russland spakuliga tekur seg fram flestu støðini.
Hann segði, at tað er fyrst og fremst vesturheiminum fyri at takka, at allar tingingar um frið eru endaðar í naggatódn.
- Um Vesturheimurin er til reiðar at taka frástøðu frá tí sum ukrainski forsetin Volodymyr Zelenskyj kallar eina ætlan um frið, so kann hann siga sær hetta: "Tað er ikki Russland, sum skal taka fyrsta stigið".
Um tú veitst okkurt, sum VP ikki veit - skriva so til vp@vp.fo
