Skúli
- Tórshavnar Kvøldskúli er framvegis Føroya størsti skúli. Og í ár fegnast vit um, at hann er vorðin enn størri. Næmingatalið er aftur í ár kvinkað uppeftir frá 2.550 næmingum til 2.650 næmingar. Teir eru knýttir at heili 197 skeiðum á ikki færri enn 32 ymsum støðum í kommununi.
Soleiðis segði Heðin Mortensen, borgarstjóri, millum annað, tá ið hann helt setanarrøðu, tá ið árliga framsýningin hjá Tórshavnar Kvøldskúla varð sett seinnapartin í dag.
Borgarstjórin staðfesti, at talan er um Føroya fjølbroyttasta skúla, tá ið hugsað verður um lærugreinir. Framsýningin í ár er tann 41. í røðini.
Um tú veitst okkurt, sum VP ikki veit - skriva so til vp@vp.fo
