Miðnám á Kambsdali: Kvøldseta verður á Miðnámi á Kambsdali í kvøld kl.19.
Hetta er eitt høvi at vitja skúlan, har stórur hópur av okkara ungdómi hevur sína dagligu gongd, og har næmingar vísa, hvat teir arbeiða við í ymisku lærugreinum. Á skránni verða m.a. tónleikaframførslur, námsferðafilmar, evnafrøðis-show og upplestur.
Øll eru vælkomin til kvøldsetuna. Tiltakið er alment og er eitt gott høvi hjá teimum, sum umhugsa at fara undir eina miðnámsútbúgving at uppliva, hvat Miðnám á Kambsdali hevur at bjóða.
Familja og vinir hjá núverandi næmingum kunnu uppliva skúlan og virksemið í skúlanum, og kvøldið er eisini eitt gott høvi hjá almenninginum sum heild at uppliva okkurt øðrvísi og kunna seg um viðurskiftini.
Ein miðnámsflokkur, sum samlar pening inn til námsferð, fer at selja kaffi og køku í steðginum. Vit gleða okkum at síggja mong tykkara á Kambsdali í kvøld.
Um tú veitst okkurt, sum VP ikki veit - skriva so til vp@vp.fo
