- Tíðin er komin at standa saman og vinna móti Hamas, sigur andstøðuleiðarin í Ísrael, Benny Gantz, sum í dag gjørdist partur av nýggju kreppustjórnini.
– Tað finst ein tíð fyri kríggi og ein tíð fyri friði. Nú er ein tíð fyri kríggi, segði Gantz, sum er fyrrverandi verjuovasti og generalur í Ísrael, skrivar NRK.
Í kvøld stóð hann saman við forsætisráðharranum Benjamin Netanyahu og verjumálaráðharranum Yoav Gallant og lovaði harða mótstøðu móti Hamas, sum um vikuskiftið framdi álop á Ísrael. Gantz og Netanyahu gjørdust fyrr í dag samdir um at skipa eina kreppustjórn, sum víðkar stjórnina.
– Vit berjast móti einum felags fígginda, ein sum er verri enn IS, segði Netanyahu, sum segði at ósemjurnar vóru skúgvaðar til viks fyri at tryggja framtíð Ísraels.
– Vit fara at oyða Hamas. Hamas fer ikki at vera til, legði Gallant afturat, skrivar NRK.
Um tú veitst okkurt, sum VP ikki veit - skriva so til vp@vp.fo
