Útlendis ítróttur
Vinnulívsmaðurin Michael Knighton váttar at hann hevur ætlanir um at keypa Manchester United.
Samtíðis finst hann hvassliga at núverandi eigarunum, skrivar VG.
Knighton hevur fyrr verið stjóri í felagnum og ætlar sær at yvirtaka felagið frá amerikansku Glazer-familjuni.
Sambært Manchester Evening News royndi Knighton eisini at keypa felagið í 1980-unum, skrivar VG.
Knighton er ikki ræddur fyri at siga, at hann er misnøgdur við núverandi eigararnar.
– Vit eru eitt felag í kreppu og øll vita hví. Vit hava eina dugnaleysa og óbrúkliga leiðslu sum veit lítið og einki um fórbólt, sigur hann við Man Utd The Religion.
Um tú veitst okkurt, sum VP ikki veit - skriva so til vp@vp.fo
