Róðrarsambandið hevur sperrað økið við skipasmiðjuna, har róðrarmálið er. Tað vil siga at fólk sleppa ikki inn á tað økið, uttan so man stendur á einum lista yvir hjálparfólk.
Samstundis hoyrist úr Suðri í dag, at tað er svimjikapping í Páls-høll, har smekkfuilt av fólki er inni - innnandura.
Spurningur 1: Hevur Róðrarsambandið heimild at nokta borgarum at ferðast frítt uttandura á kommunalum øki? Um ja, hvør hevur givið teimum hesa heimildina? Um eingin heimild er, er hetta so ólógligt at nokta borgarum at ferðast frítt?
Spurningur 2: Hví kann nógv fólk samlast til svimjikapping í Páls høll. Men borgarar kunnu ikki frítt ganga uttandura á Skála kaj?
Her man korona-nevndin hava mist jarðarsamband, tí hetta gevur als ikki meining, og er ein stór provokasjón ímóti fólkinum.
Eysturoyingur
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
