KvF: Fleiri av okkum hava roynt at búð uttanlands, og vit kenna øll onkran føroying, sum hevur búð uttanlands. Tey flestu kenna eisini onkran, sum ikki kom aftur til Føroya at búgva.
Í tjúgu ára aldri eru umleið 40 prosent í hvørjum føroyskum ættarliði búsitandi uttanlands. Bara helvtin av hesum flyta heim aftur.
Við støði í nýggjum hagtølum hjá Hagstovuni um fráflyting og føroyingar í Danmark, viðger Kringvarpið í tveimum sendingum fráflytingina úr Føroyum.
Í sendirøðini "Kanst tú siga farvæl?" fylgir Kringvarpið nøkrum av teimum, sum eru flutt úr Føroyum.
Fyrri partur verður sendur í sjónvarpinum eftir Dag og viku í kvøld, men longu nú eru báar sendingarnar tøkar á heimasíðuni hjá Kringvarpinum.
Um tú veitst okkurt, sum VP ikki veit - skriva so til vp@vp.fo
