Juristarnir sluppu ikki at svara í Vinnunevndini, tá ið limir í nevndini vildu hava at vita, hvørjar fylgjur tað fór at fáa fyri vinnuna, at ein uppboðssøla verður samtykt og um møguligar avleiðingar av tí.
Sambært limi í nevndini, sum VP hevur tosað við, so vóru juristarnir avbrotnir av fiskiráðharranum, sum segði at eingir trupulleikar vóru, men um so var, so kundi málið bara roynast í rættinum.
Tað var ein av orsøkunum til, at teir fýra Bárður Kass Nielsen, Helgi Abrahamsen, Jørgen Niclasen og Jákup Mikkelsen bóðu um at Løgtingsskrivstovan ger eitt upprit.
Og stjórin á Løgtingsskrivstovuni boðaði Vinnunevndini frá, at eitt upprit í fyrsta lagi verður klárt í januar 2016, kanska í seinnu helvt av januar 2016.
Um tú veitst okkurt, sum VP ikki veit - skriva so til vp@vp.fo
