John Frederiksen er boðsendur til dystirnar móti Eysturríki og Skotlandi. John avloysir Andreas Lava Olsen, ið hevur givið avboð - Mynd: Hans Erik Danielsen
John Frederiksen er boðsendur til dystirnar móti Eysturríki og Skotlandi. John avloysir Andreas Lava Olsen, ið hevur givið avboð - Mynd: Hans Erik Danielsen
John Frederiksen er boðsendur til dystirnar móti Eysturríki og Skotlandi. John avloysir Andreas Lava Olsen, ið hevur givið avboð - Mynd: Hans Erik Danielsen
FSF: Fyrr í vikuna varð A-landsliðhópurin hjá monnum til HM-undankappingardystirnar móti Eysturríki og Skotlandi, sum verða ávíkavist leygardagin 9. og týsdagin 12. oktober, kunngjørdur
Millum teir 22, ið vóru úttiknir, var Andreas Lava Olsen. Men nú er greitt, at framherjin úr Víkingi kortini ikki verður við hesaferð. Í staðin hevur venjarin, Håkan Ericson sent boð eftir John Frederiksen, ið spælir fyri SKU Amstetten í næstbestu deildini í Eysturríki.
Somuleiðis hevur landsliðsvenjari sent boð eftir Daniel Johansen úr HB til komandi dystir hjá A-landsliðnum.
Enn ber til at ogna sær atgongumerki til landsdystirnar móti eysturríkarum og skotum. Sølan seinastu dagarnar hevur gingið væl, og í løtuni eru beint omanfyri 3.000 atgongumerki seld. Sølan fer fram í Nethandilinum á FSF.fo.
Um tú veitst okkurt, sum VP ikki veit - skriva so til vp@vp.fo
