Klaksvíkar Badmintonfelag: Seinasta vikuskifti var stór badmintonkapping í Klaksvík fyri børn, ung og vaksin. Hetta var triðja Grand Prix-kappingin, og hon hevur heitið JFK-Open. Børn og ung spældu leygardagin í KÍ-høllini og Badmintonhøllini. Sunnudagin spældu tey vaksnu í Badmintonhøllini.
Fýra badmintonfeløg luttóku: HBF, ÍF, MBF og KBF. 144 leikarar vóru meldaðir til, sum leiktu tilsamans 200 dystir. Tað eru 12 leikarar fleiri enn til seinastu Grand Prix-kapping á Kambsdali fyrst í november, so tað er ein positiv gongd.
Hóast tað vóru fleiri avmarkingar, tí tilmælini frá myndugleikunum skuldu fylgjast, so eydnaðist kappingin væl, og talan var um fleiri spennandi og væl leiktar dystir.
Um tú veitst okkurt, sum VP ikki veit - skriva so til vp@vp.fo
