Gabriel Jesus var stóra hetjan, tá Manchester City vann 3-1 á Everton í dag og harvið hálaði seg uppaftur á 1. plássið í ensku Premier League.
Jesus legði seg City á odda 1-0 í 22. minutti og økti um munin til 2-0 í 50. minutti.
Everton minkaði síðan um munin til 2-1 við máli frá Dominic Calvert-Lewin, áðrenn Raheem Sterling sló sigurin hjá heimaliðnum fastan í 69. minutti.
Manchester City hevur nú 44 stig fyri 17 dystir, meðan Liverpool hevur 42 stig fyri 16 dystir.
Trýst er nú á Liverpool at vinna dystin í morgin ímóti arvafíggindunum úr Manchester United, sum í løtuni liggja á einum 6. plássi í Premier League.
Dysturin ímillum Liverpool og United verður leiktur á Anfield kl. 16 í morgin.
Um tú veitst okkurt, sum VP ikki veit - skriva so til vp@vp.fo
