Crystal Palace vitjaði á Goodison Park í kvøld, har Everton tók ímóti.
Tað var tó uttan 76 ára gamla venjaran, Roy Hodgson, ið “The Eagles” endaðu samstarvið við fyrr í dag.
Everton sat fyri tað mesta á spælinum, tó uttan, at tað gjørdist vandamikið.
Tá 66 minuttir vóru leiktir legði Crystal Palace seg á odda 1-0 við einum dundurskoti frá Jordan Ayew.
Everton svaraði aftur í 84. minutti, tá innskifti Amadou Onana var hægstur eftir horna, og stútaði bóltin í málið til støðuna 1-1, ið eisini gjørdist endaliga úrslitið.
Við javnleikinum lyfti Everton seg uppum niðurflytingarstrikuna, men allarhelst iðrar Sean Dyche seg um, at hansara menn ikki vístu størri neyvleika, so teir kundu tikið tey 3 stigini.
Við javnleikinum lyfti Crystal Palace seg upp á eitt 15. pláss, ið longu hevur sett eysturríkaran, Oliver Glasner, sum avloysara fyri Roy Hodgson.
Um tú veitst okkurt, sum VP ikki veit - skriva so til vp@vp.fo
