Vágatíðindi
07 Vestur: Í kvøld hava Janus Svabo Samuelsen og 07 Vestur skrivað nýggjan sáttmála, ið knýtir leikararn at felagnum komandi kappingarár.
Hóast bert 19-ára gamal, var Janus ímillum týðningarmiklastu leikarar.
Ungi miðvingurin vendi aftur til Føroyar og 07 Vestur í fjør summar, eftir eina góða og læruríka tíð í ungdómsdeildini hjá Brøndby, har hann eisini gjørdist danmarksmeistari. Janus vísti beinanveg síni framúr evnir og skoraði 10 mál teir 18 dystirnar hann fekk við av uppflytingarári okkara, 2016.
Í ár hevur hann spælt 22 dystir á besta liðinum, sum er ímillum teir, við allar flest dystum hetta farna árið.
Um tú veitst okkurt, sum VP ikki veit - skriva so til vp@vp.fo
