![A Menn Kosovo Foroyar 1 1 19 11 2022 1600 52](https://www.vp.fo/fileadmin/_processed_/f/c/csm_A_Menn_Kosovo-Foroyar_1-1_19-11-2022_1600-52_e79c97e897.jpg)
Jann Julin Benjaminsen er úttikin til venjingarleguna hjá manslandsliðnum, sum verður í næstum - Mynd: Hans Erik Danielsen
![A Menn Kosovo Foroyar 1 1 19 11 2022 1600 52](https://www.vp.fo/fileadmin/_processed_/f/c/csm_A_Menn_Kosovo-Foroyar_1-1_19-11-2022_1600-52_e79c97e897.jpg)
Jann Julin Benjaminsen er úttikin til venjingarleguna hjá manslandsliðnum, sum verður í næstum - Mynd: Hans Erik Danielsen
FSF: Jann Julin Benjaminsen úr B36 verður 24. maðurin í landsliðshópinum, sum mánadagin í komandi viku fer á venjingarlegu í Marbella í Spania.
27 ára gamli nesmaðurin, ið er uppvaksin í B68, men fyri tað mesta hevur spælt vaksnamannafótbólt við NSÍ, er higartil skrásettur fyri ein A-landsdyst fyri Føroyar. Tað var í november í 2022, tá Kosovo og Føroya spældu javnleik 1-1 á Fadil Vokrri stadion í Pristina.
Tveir venjingardystir eru annars á skránni hesar dagarnar, hópurin er savnaður. Fríggjadagin 22. mars spæla Føroyar og Liktinstein á Marbella Football Center, meðan seinni dysturin í hesum umfarinum verður týsdagin 26. mars, tá Danmark tekur ímóti á Brøndby Stadion.
Manslandsliðið skal spæla í alt tíggju altjóða skrásettar dystir í ár. Í juni mánað er Baltic Cup á skránni, og síðani verður farið undir UEFA Nations League, sum verður í september, oktober og november.
Um tú veitst okkurt, sum VP ikki veit - skriva so til vp@vp.fo