Felagið Blóðgevi: Mikudagin 27. september 2022 var í blóðbankanum á Landssjúkrahúsinum eitt lítið hátíðarhald í sambandi við, at Jákup Pauli Johansen gav blóð fyri 100. ferð.
Jákup Pauli fekk handað samanplanting, eitt blómutyssi og ein pelikan úr glasi, sum Mikkalina Norðberg hevur framleitt. Pelikanurin er altjóða súmbol, sum øll heimsins blóðgevarafeløg nýta. Pelikanurin ímyndar eitt menniskja, sum ósjálvsøki hjálpir øðrum, so viðkomandi kunnu yvirliva.
Á myndini síggjast Claus Reistrup, formaður í Felagnum Blóðgeva, Jákul Pauli Johansen, blóðgevi, og Joan Petersen, deildarbioanalytikari.
Felagið Blóðgevi er sera fegið um, at so nógv fólk í Føroyum sjálvboðin velja at vera blóðgevar, so blóðbankarnir altíð vita, at tað ber til at útvega neyðugar mongdar av blóði, sum sjúkrahúsini nýta í sambandi við eitt nú skurðviðgerðir og regluliga viðgerð av ymiskum sjúkum.
Tað ber altíð til at melda seg sum blóðgeva á heimasíðuni hjá Felagnum Blóðgeva: www.gevblod.fo.
Um tú veitst okkurt, sum VP ikki veit - skriva so til vp@vp.fo
