Iranski forsetin, Ebrahim Raisi, og uttanríkisráðharrin, Hossein Amir-Abdollahian, doyðu báðir, tá tyrlan, teir vóru í, datt niður í gjár. Tað hava iranskir myndugleikar nú váttað.
Ebrahim Raisi var 63 ár og hevur verið forseti síðani 2021.
Hann var sagdur at vera sera konservativur við tøttum bondum til sonevnda prestastýrið, har ayatollah Ali Khamanei ráddi. Ætlanin var, at hann skuldi avloyva Khamanei, tá hesin fór at leggja frá sær. Í Iran er tað prestastýrið sum hevur veruliga valdið, og millum annað útnevnir forsetan.
Í tíðini hjá Ebrahim Raisi sum forseti er farið harðliga fram ímóti øllum sum mótmæltu stýrinum, og sonevndu morallógirnar eru nógv herdar.
Um tú veitst okkurt, sum VP ikki veit - skriva so til vp@vp.fo
