Onnur tíðindi
Í dag er tjóðardagur í Indonesia. Tað var á hesum degi í 1945 at Indonesia gjørdist sjálvstøðug tjóð eftir at hava verið koloni hjá Niðurlondum.
Ovfólkaði høvuðsstaðurin Jakarta, sum er á oynni Java, søkkur, og er í dag so dálkaður, at indonesar hava valt at finna nýggjan høvuðsstað heilt har eysturi í Kalimantan landslutinum á oynni Borneo, nakað innan fyri býin Balikpapan, skrivar e24.no.
Nýggi indonesiski høvuðsstaðurin, sum er í gerð, eitir Nusantara.
Eftir India, Kina og USA er Indonesia við meir enn 283 millónum íbúgvum, fjórðstørsta land í heiminum, mált eftir fólkatali.
Um tú veitst okkurt, sum VP ikki veit - skriva so til vp@vp.fo
