Tey sum ikki eru fevnd av kollektivum sáttmála, ikki eru limir í arbeiðarafelag, lærligar o.o. skulu møta sum vanligt til arbeiðis.
Tað minnir Føroya Arbeiðsgevarafelag limir sínar á.
Tvær treytir skulu vera uppfyltar, fyri at starvsfólkið er fevnt av arbeiðssteðgi:
-
Starvsfólkið skal verða fevnt av kollektivum sáttmála millum FAG og tey fýra fakfeløgini, sum er partur av arbeiðssteðginum,og
-
Starvsfólkið skal vera limur í einum av teimum fýra fakfeløgunum, sum er partur av arbeiðssteðginum.
Sum dømi kann nevnast, at ein arbeiðari, sum er settur sambært handverkarasáttmálanum, ikki er fevndur av arbeiðssteðgi hjá arbeiðarafeløgunum.
Lærlingar, næmingar og praktikantar eru ikki fevndir av einum verkfalli og skulu møta sum vanligt.
Starvsfólk, sum ikki eru limir í einum av fakfeløgunum, sum eru partur av verkfallinum, eru ikki fevnd av verkfallinum, og hava skyldu at møta til arbeiðis sum vanligt.
Um tú veitst okkurt, sum VP ikki veit - skriva so til vp@vp.fo
