Miðvallaleikarin Paul Scholes skoraði 20 mál í 2002/03-sesongini, og eingin miðvallaleikari í United hevur síðani skorað so nógv - fyrr enn nú, skrivar Manchester Evening News.
Fernandes hevur skorað 21 mál í 36 dystum í øllum kappingunum (fýra mál í Champions League og 14 mál í Premier League).
Síðstu sesong var Anthony Martial toppskorari við 23 málum, og sesongina undan Paul Pogba við 16 málum í øllum kappingunum.
Romelu Lukaku skoraði 27 mál í 2017/18-sesongini - 16 av teimum í Premier Legaue. Zlatan Ibrahimovic skoraði 28 mál sesongina áðrenn - 17 av teimum í Premier League.
Heldur Fernandes fram í sama stíli hesa sesongina, so kann hann gerast fyrsti United-leikarin at skora 30 mál ella meira síðani Robin van Persie - sum megnaði tað í seinastu sesongini hjá Sir Alex Ferguson fyri átta árum síðani.
Ole Gunnar Solskjaer on Bruno Fernandes: "If he scores two, he wants three and if he has an assist, he wants another one. He drives everyone on; sometimes he drives too much and he wants to do too much." pic.twitter.com/WTUx3JnaS7
— Goal (@goal) February 18, 2021
Um tú veitst okkurt, sum VP ikki veit - skriva so til vp@vp.fo
