Reyði Krossur: Reyði Krossur sóknast eftir uppskotum at heiðra sum Ársins Fyrstihjálpari 2023.
Tann, sum er í uppskoti, skal í farna ári á serligan hátt hava givið kropsliga ella sálarliga fyrstuhjálp. Eisini verður Ársins Barnaheiður latin børnum, ið hava útint serstakt avrik innan fyrstuhjálp.
Uppskot kunnu sendast Reyða Krossi á heimasíðuni (www.redcross.fo/tilnevning) ella á redcross@redcross.fo.
Freistin at senda uppskot inn er 1. februar 2024. Øll eru vælkomin at lata uppskot inn. Uppskotini verða viðgjørd av dómsnevnd í fyrstuhjálpini hjá Reyða Krossi.
Við hesum tiltakinum vil Reyði Krossur varpa ljós á týdningin av at duga fyrstuhjálp, og eggja fólki at læra seg fyrstuhjálp, so fleiri lív kunnu bjargast.
Um tú veitst okkurt, sum VP ikki veit - skriva so til vp@vp.fo
