Upp til valið 5. novembur uppliva tey, sum arbeiða við at valið gongur rætt fyri seg, hóttanir.
– Hvønn dag koma hóttanir frá fólki sum ringja og siga: «Eg veit at tit fara at stjala valið» ella fólk ringja, senda teldupost ella talupost, sigur Jocelyn Benson við tíðindastovuna Reuters.
– Og onkuntíð so koma fólk heim til okkum fyri at hótta ella ræða okkum.
Benson er demokratiskur politikari og hevur ábyrgd av valinum í deilstatinum Michigan, sum verður roknaður sum vippustatur. Í 2020 vann Joe Biden Michigan við 2,8 prosentum fleiri atkvøðum enn Donald Trump.
Benson er vís í at trýstið verður verri í næsta mánað.
– Eg veit tað fer at økjast í vikunum sum koma.
Um tú veitst okkurt, sum VP ikki veit - skriva so til vp@vp.fo
