- Øll fólk hava eina góða søgu og ikki bara politikarar og fólk, tú dagliga hoyrir og sært í fjølmiðlunum. Og eg merki so væl, at fólk bera heimplássið í hjartanum.
Tað sigur Tórður Mikkelsen, sum síðani á heysti 2013 hevur gjørt sendingina "Við Tórði á túri", ið verður send í Útvarpinum hvønn mánadag kl. 17.05.
Á hugnaløtuni í Christianskirkjuni í morgin, fríggjadagin 5. januar, kl. 15 fer Tórður at greiða frá sendingini og hvørjir tankar liggja aftanfyri væl umtóktu útvarpssendingina.
- Landið er lítið, men ein av mínum fremstu visiónum við sendingini er at vísa hvussu fjølbroytt tað hóast alt er. Í hvørjum króki liggja søgur og bíða og tær royni eg at fanga, sigur Tórður Mikkelsen.
Stutt andakt verður v/Marjun Lòmaklett, og ein gòður drekkamunnur verður eisini at fáa .
Um tú veitst okkurt, sum VP ikki veit - skriva so til vp@vp.fo
