Útlendis ítróttur
Feløgini í niðurlendsku toppdeildunum ynskja eitt forboð innan 2020 móti at leika sínar heimadystir á graslíki.
Seinastu árini hava verið syndarlig hjá niðurlendskum fótbólti. Síðani tapið í HM-finaluni í 2010, er landsliðið skramblað niður á styrkilistanum hjá FIFA.
Frá at vera mett næstbesta liðið er Holland dottið niður á 19. pláss seinastu átta árini. Og Holland er ikki kvalifiserað til HM í summar.
Fleiri í niðurlendskum fótbólti hava víst á graslíki sum eina orsøk til niðurtúrin, og nú ætlar fótbóltssambandið at gera nakað við tað.
Ein endalig avgerð verður tikin mánadagin, skrivar NRK.
Um tú veitst okkurt, sum VP ikki veit - skriva so til vp@vp.fo
