Hørður Askham er skásettur fyri 11 dystir á føroyska A-landsliðnum - Mynd: Hans Erik Danielsen
Hørður Askham er skásettur fyri 11 dystir á føroyska A-landsliðnum - Mynd: Hans Erik Danielsen
Hørður Askham er skásettur fyri 11 dystir á føroyska A-landsliðnum - Mynd: Hans Erik Danielsen
FSF: Håkan Ericson, A-landsliðsvenjari hjá monnum, hevur sent boð eftir Hørði Askham úr HB til EM-undankappingardystirnar móti Kekkia og Albania.
Hørður Askham avloysir Mads Boe Mikkelsen úr KÍ, ið orsaka av skaða hevur givið avboð.
– Hetta er ikki eitt beinleiðis býti, tí teir, Hørður og Mads, eru rættuliga ólíkir. Heldur royna vit at umskipa miðvøllin eitt sindur, sigur Håkan Ericson við heimasíðuna hjá FSF.
Manslandsliðið skal í næstum spæla tveir EM-undankappingardystir á heimavølli. Seinni í vikuni, leygardagin 17. juni klokkan 19:45 kemur Kekkia á vitjan á Tórsvølli, og týsdagin 20. juni, somuleiðis klokkan 19:45, spæla Føroyar og Albania á Tórsvølli
Atgongumerki fáast til keyps í Nethandilinum á heimasíðuni hjá Fótbóltssambandi Føroya, www.FSF.fo.
Um tú veitst okkurt, sum VP ikki veit - skriva so til vp@vp.fo
