Tað er sjón fyri søgn, at náttúran er skjót at fóta sær aftur.
Eftir at byrgingin hjá SEV í Heygadali í Vestmanna hevur verið at kalla tóm í alt summar er dalurin aftur vorðin grønur.
Í Heygadali er ein av fýra byrgingum hjá SEV í Vestmanna. Saman við byrgingunum í Fonsdali, Lómundaroyri og á Mýrunum hevur lendið ligið undir vatni síðani einaferð í fimmti árunum, tá byrgingarnar vórðu bygdar, burtursæð frá onkrum stuttum tíðarskeiði tá ymiskt viðlíkahald hevur verið gjørt.
Men í summar er lúka sett í byrgingina í Heygadali, so hon kann tømast skjótt, skuldi tað verið neyðugt. Og í tí sambandi hevur byrgingin verið tóm, og dalurin allur, sum áður var grønur, er aftur komin til sín rætt.
So leingi tað varir.
Um tú veitst okkurt, sum VP ikki veit - skriva so til vp@vp.fo
