Síðsta
Minst 13 fólk eru druknað í Bangladesh, eftir at tað hevur regnað av grimd har í fleiri dagar. Vegir, hús og jarnbreytir eru undir í vatni, uppýsir myndugleikin sum tekur sær av kreppum í landinum fyri Al Jazeera.
Eisini verður upplýst, at fleiri enn 4,5 milliónir fólk eru ávirkað so ella so av støðuni.
Eini 300.000 fólk skulu vera flutt burtur undan vatnflóðini, verður sagt.
Tað regnar minni nú, men kortini verður hildið, at tað fer at taka fleiri dagar áðrenn monsunregnið av álvara hasar av.
Um tú veitst okkurt, sum VP ikki veit - skriva so til vp@vp.fo
