Føroya Arbeiðsgevarafelag og tey fimm arbeiðarafeløgini sum hava verið í verkfalli hava í kvøld undirskrivað nýggjan sáttmála.
Høvuðsinnihaldið í semjuni er hetta:
- Løn
1. mai 2024 hækkar grundlønin 3,25%, umframt ein serstøk viðbót á 3,75 kr./tíman sum eitt serstakt lønarlyft. Av serstøku viðbótini verða ongar viðbøtur roknaðar, tó verður eftirløn, frítíðarløn og yvirtíð roknað av serstøku viðbótini.
1. mai 2025 hækkar grundlønin 3,23%, umframt ein serstøk viðbót á 3,50 kr./tíman sum eitt serstakt lønarlyft. Av serstøku viðbótini verða ongar viðbøtur roknaðar, tó verður eftirløn, frítðiðarløn og yvirtíð roknað av serstøku viðbótini.
- Eftirløn
1. mai 2024 verður eftirlønin roknað av allari A-inntøku.
1. mai 2025 verður eftirlønargjaldið hækkað til 12,0% av allari A-inntøku.
- Reingerðarviðbót
1. mai 2024 verður fyri reingerð goldið grundløn + 0,35% um tíman.
Harumframt eru aðrar broytingar avtalaðar í ávegis semjum, sum eru gjørdar sum partur av samráðingunum.
Um tú veitst okkurt, sum VP ikki veit - skriva so til vp@vp.fo
