BankNordik boðar í dag frá, at Heini Thomsen fer frá sum ein av stjórum bankans.
Tað er annars ikki longri síðani enn juli í fjør at bankin boðaði frá, at Heini Thomsen, sum er statsautoriseraður grannskoðari, fór at hava sína dagligu gongd á leiðsluskrivstovuni, men í dag sigur bankin í børsfráboðan, at av tí at Heini Thosen ikki bleiv góðkendur av tryggingareftirlitinum til at sita í nevndini hjá tryggingarfeløgum bankans, so er semja gjørd ímillum bankan og Heina um, at hann fer frá.
Orsøkin til, at Heini Thomsen ikki bleiv góðkendur av tryggingareftirlitinum er, at ov stutt tíð var fráliðin frá tí at hann í starvi sínum hjá grannskoðarafyritøkuni Januar var við til at grannskoða og undirskriva roknskapin hjá BankNordik og dóttirfeløgunum, til hann sjálvur sat í nevnd og leiðslu har.
Bankin hevur áður boðað frá at forstjórin, Árni Ellefsen, fer frá 1. apríl.
Les eisini:
Um tú veitst okkurt, sum VP ikki veit - skriva so til vp@vp.fo
