Aftur í ár heitir Heimafriður á reiðarí og kommunur um at skipa so fyri, at jólafriður verður á jólum. Heitt verður á tey, ið hava ábyrgdina fyri skipunum, sum liggja við bryggju at sløkkja bæði ljóð og ljós, so nógv sum til ber.
Heimafriður heitir á reiðarí og kommunur um at tryggja borgarum, sum búgva nær havnunum, jólafrið.
Tað er ov nógvur gangur frá skipum í ávísum havnum um jóla- og nýárshøgtíðina. Bæði óljóð og óneyðuga nógv ljós er til ampa fyri tey, sum búgva nær havnunum.
Felagið Heimafriður heitir tí staðiliga á reiðarí og kommunur um at finna loysnir, ið tryggja fólki jólafrið um høgtíðina.
Heimafriður ynskir øllum eini gleðilig og friðsæl jól.
Vegna felagið Heimafrið
Trina Elttør Eysturoy, forkvinna
Tlf.: 271807
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
