Tórshavnar kommuna: Fríggjakvøldið 4. juni verður Mentanarnátt í Havn, og sum vanligt er nógv forvitnisligt á skránni.

Mentanarnáttin verður sett uttan fyri Býráðshúsið klokkan 18.00, og í ár verður tað stjórin í Norðurlandahúsinum, Gunn Hernes, sum setir Mentanarnáttina.

Ongantíð áður hevur skráin verið so rúgvismikil. Alt byrjar niðri í Vágsbotni við fjákutum gongulagi afturvið lívligum horntónleiki og kappingum. Okkara mentanargøta, Tórsgøta, spílar seg út við skaldskapi, upplestri, framsýning og tónleiki.  

Stovnar og virki lata dyrnar upp fyri almenninginum, søvnini eru opin og livandi tónleikurin sermerkir Mentanarnáttina bæði úti og inni. Mest sum allastaðni í býnum verður tónleikur at hoyra.  

Og sum vant hava handlarnir í miðbýnum opið til á midnátt, og matstovurnar spenna seg út hetta kvøldið.

Mentanarnáttin í Havn er fyrireikað í samráð við koronuráðgevingina. Tað verður heitt á øll um at fylgja almennu tilmælunum.  

Verið vælkomin á Mentanarnátt, tá ið Havnin vísir seg frá síni bestu síðu.

Visit Tórshavn samskipar Mentanarnáttina, og tú sært skránna her