Skúlablaðið: - Tað stendur í kunngerðini, hvørjar fortreytir skulu til, fyri at skúlar kunnu seta á stovn móttøkuflokk, men eg kundi hugsað mær nógv meiri kunning og upplýsingar og kanska neyvari vegleiðing og ráðgeving um, hvussu vit kunnu gera. Hetta kann samanberast við, at tú keypir eina hill og fært amboðið við, men onga vegleiðing um, hvussu tú setir hillina saman. Er eingin vegleiðing, so er vandi fyri, at ongin skúli hættar sær undir at stovna móttøkuflokk. Høli hava vit her í skúlanum, men fáa vit tímarnar, sum skulu til? Stór óvissa er um nógv viðurskifti, sigur Berlys Toftadal, skúlastjóri í Fuglafjarðar skúla, sum hevur nógvar tilflytaranæmingar.
Fólkaskúlarnir søkja Undirvísingarstýrið eftir tímum til undirvísing í føroyskum sum annaðmál. Hóast talið á næmingum, sum hetta skúlaárið tørvar miðvísa undirvísing í føroyskum sum annaðmál í Fuglafjarðar skúla er hægri enn í fjør, so fekk skúlin færri tímar til endamálið samanborið við í fjør.
Um tú veitst okkurt, sum VP ikki veit - skriva so til vp@vp.fo
