Sjúrður Skaale á Facebook: Fyrradagin var eg gestur á Rás2 har Símun gjørdi hesa samrøðuna um fólkatingsarbeiðið og um kríggið í Gaza.
Ísrael MÁ berja niður Hamas - sum jú fegnast um 7. oktober og lovar at fremja meir terror so skjótt kjansurin er har. Ísrael fer kanska eisini at vinna sjálvt kríggið. Men tað kann gerast ein pyrrhussigur, um tað elvir til eitt størri kríggj og ein her av nýggjum terroristum. Tí kríggið kann, orsakað av taktikkinum hjá Hamas, ikki vinnast uttan forferdiligar avleiðingar fyri sivilfólk og børn.
Á tann hátt fær Hamas akkurát tað, sum Hamas vil: myndir av deyðum børnum at pumpa út á sosialar miðlar, og eina heimsopinión, sum vendir sær móti Ísrael. Fyri ein slíkan sigur rindar Hamas fegin við bæði ísraelskum og palestinensiskum lívum. Tí fyri jihadistarnar er sakin størri enn bæði egin og annara lív.
So ja. Kanska Ísrael vinnur hernaðarliga. Men tað týdningarmikla propagandakríggið vinnur Hamas. Big time!
Um tú veitst okkurt, sum VP ikki veit - skriva so til vp@vp.fo
