- Gera vit ikki hetta, so missa vit alla vón! Soleiðis siga fyrireikararnir til risastóru mótmælisgongurnar, sum hava verið í fleiri ísraelskum býum seinastu nógvu dagarnar. Teir halda uppá, at útivið ein hálv millión fólk hava verið við, tá tey hava verið flest.
Fremsta endamálið er at fáa gíslarnar, sum enn eru á lívi, heim til Ísrael. Men so vilja tey eisini vísa á, at tey halda, at ísraelska stjórnin við forsætisráðharranum Benjamin Netanyahu, ella Bibi, sum ísraelar siga, á odda, hevur eina óneyðuga harðrendan framferðarhátt, sum kostar nógvum palestinensarum lívið.
Mótmælisgongurnar byrjaðu av álvara, tá ísraelski herurin herfyri fann seks gíslar, tiknar av døgum av Hamas. Nógv halda, at gíslarnir kundu verið á lívi í dag, um stjórnin í Ísrael vísti størri vilja til at samráðast.
Um tú veitst okkurt, sum VP ikki veit - skriva so til vp@vp.fo
