Mynd: Sunda kommuna
Mynd: Sunda kommuna
Mynd: Sunda kommuna
Sunnudagin 13. august kl. 16 verður aftur høvið til at njóta serstaka upplivilsi at vera til guðstænastu í Gjónni við Gjógv, ið er sum ein náttúrunnar katedralur. Prestur verður Anne Mette Greve Klementsen. Til felagssálmasangin spælir Gudmund Mortensen, organistur, umframt at tvær kornettir fara at stuðla undir sálmasangin.
Vestmanna Sangkór, stjórnað av Benjamin Gaasedal, fer at syngja undir gudstænastuni. Haraftrat fer eitt blandað hornorkestur úr Havnar, Sørvágs og Vestmanna hornorkestrum undir leiðslu av Atla K. Petersen at spæla, m.a. til pre- og postludium.
Tiltakið við guðstænastu í Gjónni var eisini roynt um somu tíð í fjør, og var fram úr væl eydnað við nógvum fólki.
Kirkjuráð, prestur, kór og tónleikarar bjóða øllum vælkomnum.
Um tú veitst okkurt, sum VP ikki veit - skriva so til vp@vp.fo
