Innsent: Fýra ár eru liðin, síðan GØ gav fyrstu plátu sína út. Nú kunngera teir aðru plátu sína, "Ævir, amen" og trý nýggj stakløg.
Fyrsta staklagið, “Loysing í dós”, varpar ljós á loysing-/sambandsorðaskifti, ið hevur verið nógv uppi at venda í føroyskum miðlum síðsta árið.
Lagið byrjar við einari talu hjá Rúna Nielsen, fyrrverandi formanni í Unga Tjóðveldi, ið leggur dent á hví loysing krevst.
Síðan brestur blásarakvintettin ígjøgnum og lagið verður umgjørt til ein máttmiklan og darrandi march.
Boðskapurin verður undirstrikaður í sangbæra niðurlagnum, ið kann samanberast við ein tjóðsang í hami.
Umframt konsertir á summartónum, so skulu GØ spæla á Reykjavík Jazz Festival 2024, ið verður hildin síðst í august.
Um tú veitst okkurt, sum VP ikki veit - skriva so til vp@vp.fo
