Vinna
Hagstovan: Nú sæst av álvara, at fleiri útlendingar gista aftur á gistingarhúsunum, meðan talið av føroyingum minkar á gistingarhúsunum.
Gistinæturnar vóru góðar 19.100 fleiri í tali í mai í ár samanborið við sama mánað í 2021. Gistinætur telja, hvussu nógvir og hvussu leingi persónar gista á gistingarhúsum.
Talið av gistingum í mai var nærum á sama støði sum í juli í fjør, sum er besti mánaður nakrantíð.
Flestu gistingarnar eru í Tórshavnarøkinum. Í mai vóru sløk 90% av gistingunum á gistingarhúsum í Tórshavnarøkinum.
Um tú veitst okkurt, sum VP ikki veit - skriva so til vp@vp.fo
