Síðsta
Fýra ísraelskir hermenn eru deyðir eftir at shiamuslimski Hizbollah yvirgangsfelagsskapurin í dag framdi eitt stórálop við dronum ímóti eini ísraelskari hernaðarstøð nærhendis býnum Binyamina í norður Ísrael.
Tað upplýsir ísraelski herurin á Telegram.
Fleiri hermenn eru eisini álvarsliga særdir, og harumframt eru minst 60 vanlig fólk særd.
Álopið hendir samstundis sum Ísrael er fyri alsamt harðari atfinningum, eftir at hermenn frá ST friðarvarðveitandi deildunum í Libanon eru særdir av skotum frá ísraelska herinum.
Um tú veitst okkurt, sum VP ikki veit - skriva so til vp@vp.fo
