Útlendis ítróttur
Frakland hevur fyri fyrstu ferð nakrantíð vunnið Evropameistaraheitið í kvinnuhondbólti.
Hetta er greitt, eftir at fronsku kvinnurnar í dag vunnu 24-21 á Russlandi í EM-finaluni, sum varð leikt á heimavøllinum í París.
Støðan í hálvleikinum var 13-12 til Frakland.
Fronsku kvinnurnar hava tríggjar ferðir áður vunnið bronsu í sambandi við EM-endaspøl, og í fjør vunnu tær so heimsmeistaraheitið, áðrenn tær í dag á fyrsta sinni vunnu EM-gull.
Mótstøðuliðið Russland mátti sostatt taka til takkar við silvur heiðursmerkjunum, eftir at tær í 2016 vunnu gull í OL.
Les meira um dystin í dag her
Um tú veitst okkurt, sum VP ikki veit - skriva so til vp@vp.fo
