Javnaðarflokkurin á Fólkatingi: Fríggjadagin 30. septembur verður framløga av frágreiðingini ”Fosturtøka í Føroyum – tilvild og lógloysi” í Reinsarínum í Havn.
Eru øll líka fyri lógini? Er talið av føroyskum kvinnum, sum fáa fosturtøku, veruliga so lágt? Og verður lógin í roynd og veru fylgd?
Kanningin hjá Javnaðarflokkinum á fólkatingi vísir millum annað, at bert 17% av kommunulæknunum meta, at fosturtøkulógin bókstaviliga verður hildin.
Hetta er eitt av mongu tølunum, ið verða viðgjørd og løgd í frágreiðingini á almennum tiltaki í Reinsarínum í Havn, fríggjadagin 30. septembur kl. 15.00.
Eftir framløguna skifta Sólvit Nolsø, Ingilín D. Strøm, Sirið Stenberg og Helgi Abrahamsen orð um fosturtøku. Uni Holm Johannesen stýrir orðaskiftinum.
Tað er ókeypis atgongd, men tilmelding er neyðug við at senda ein teldupost á jf@ft.dk ella við at senda eini boð á Facebook til Javnaðarflokkin á fólkatingi.
Avmarkað pláss.
Um tú veitst okkurt, sum VP ikki veit - skriva so til vp@vp.fo
