Leygardagin 17. oktober verður høvi hjá Føroyingum at uppliva nýggjastu tónlistaverkætlanina hjá Teituri, tá hann fer á pall í Norðurlandahúsinum saman við viðurkenda danska trummuspælaranum Kresten Osgood.

Teitur gav sína fyrstu fløgu út í 2002, og hevur síðan tá framført í mestsum øllum heiminum og fingið holla altjóða viðurkenning.

Síðsta útgávan hjá Teituri “Story Music” frá 2013 varð tikin upp í eini gamlari ísfabrikk í Føroyum, og hevur “storytelling” sum høvuðstema.

Kresten Osgood hevur seinastu 16 árini verið sera virkin í danska tónleikalívinum, og er skýrdur at vera “tað besta, sum er hent í donskum jazzi síðan 80ini”.

Teitur og Osgood spældu fyrstu ferð saman sum duo í November 2014, tá teir spældu midnáttarkonsertir í Keypmannahavn.

Tá sluppu áhoyrararnir at hoyra nýggjar og spennandi versiónir av sangum hjá teimum báðum, og sjálvt um skráin til konsertina í Norðurlandahúsinum verður tann sama, verður upplivingin sermerkt tí Osgood er eyðkendur fyri improvisatión og spontanitet.

Ongin konsert er líka.

“Tað skal vera farligt, stuttligt og nýtt!” (Teitur í samrøðu við Kinnu Poulsen, Listaportal, 21. august 2014).

Konsertin verður í Klingruni leygardagin 17. oktober kl 19.30.